Shiv mantra

                 Shiv mantra 

1. इलापुरे रम्यविशालकेऽस्मिन् समुल्लसन्तं च जगद्वरेण्यम्। वन्दे महोदारतरं स्वभावं घृष्णेश्वराख्यं शरणं प्रपद्ये ॥

2. ब्रह्ममुरारिसुरार्चितलिंगम् निर्मलभासितशोभितलिंगम्। जन्मजदु:खविनाशकलिंगम् तत्प्रणमामि सदाशिवलिंगम्॥

3. देवमुनिप्रवरार्चितलिंगम् कामदहं करुणाकरलिंगम्। रावणदर्पविनाशनलिंगम् तत्प्रणमामि सदाशिवलिंगम्॥

4. सर्वसुगन्धिसुलेपितलिंगम् बुद्धिविवर्द्धनकारणलिंगम् । सिद्धसुरासुरवन्दितलिंगम् तत्प्रणमामि सदाशिवलिंगम् ॥

5. कनकमहामणिभूषितलिंगम्फ णिपतिवेष्टितशोभितलिंगम्। दक्षसुयज्ञविनाशनलिंगम् तत्प्रणमामि सदाशिवलिंगम् ॥

6. कुंकुमचन्दनलेपितलिंगम् पंकजहारसुशोभितलिंगम्। संचितपापविनाशनलिंगम् तत्प्रणमामि सदाशिवलिंगम् ॥

7. देवगणार्चितसेवितलिंगम् भावैर्भक्तिभिरेव च लिंगम्। दिनकरकोटिप्रभाकरलिंगम् तत्प्रणमामि सदाशिवलिंगम् ॥

8. अष्टदलोपरिवेष्टितलिंगम् सर्वसमुद्भवकारणलिंगम्। अष्टदरिद्रविनाशितलिंगम् तत्प्रणमामि सदाशिवलिंगम्॥

9. सुरगुरुसुरवरपूजितलिंगम् सुरवनपुष्पसदार्चितलिंगम्। परात्परं परमात्मकलिंगम् तत्प्रणमामि सदाशिवलिंगम् ॥

10. नमस्ते भगवान रुद्र भास्करामित तेजसे । 

नमो भवाय देवाय रसायाम्बुमयात्मने ॥

11. शर्वाय क्षितिरूपाय नंदीसुरभये नमः । 

ईशाय वसवे सुभ्यं नमः स्पर्शमयात्मने ॥

12. तस्मै नम: परमकारणकारणाय दिप्तोज्ज्वलज्ज्वलित पिङ्गललोचनाय । नागेन्द्रहारकृतकुण्डलभूषणाय ब्रह्मेन्द्रविष्णुवरदाय नम: शिवाय ॥

13. पशूनां पतये चैव पावकायातितेजसे । 

भीमाय व्योम रूपाय शब्द मात्राय ते नमः ॥

14. उग्रायोग्रास्वरूपाय यजमानात्मने नमः । 

महाशिवाय सोमाय नमस्त्वमृत मूर्तये ॥

15. श्रीमत्प्रसन्नशशिपन्नगभूषणाय शैलेन्द्रजावदनचुम्बितलोचनाय । कैलासमन्दरमहेन्द्रनिकेतनाय लोकत्रयार्तिहरणाय नम: शिवाय ॥

16. पद्मावदातमणिकुण्डलगोवृषाय कृष्णागरुप्रचुरचन्दनचर्चिताय । भस्मानुषक्तविकचोत्पलमल्लिकाय नीलाब्जकण्ठसदृशाय नम: शिवाय ॥

17. लम्बत्स पिङ्गल जटा मुकुटोत्कटाय दंष्ट्राकरालविकटोत्कटभैरवाय । व्याघ्राजिनाम्बरधराय मनोहराय त्रिलोकनाथनमिताय नम: शिवाय ॥

18. दक्षप्रजापतिमहाखनाशनाय क्षिप्रं महात्रिपुरदानवघातनाय । ब्रह्मोर्जितोर्ध्वगक्रोटिनिकृंतनाय योगाय योगनमिताय नम: शिवाय ॥

19. संसारसृष्टिघटनापरिवर्तनाय रक्ष:पि

शाचगणसिद्धसमाकुलाय । सिद्धोरगग्रहगणेन्द्रनिषेविताय शार्दूलचर्मवसनाय नम: शिवाय ॥

20. भस्माङ्गरागकृतरूपमनोहराय सौम्यावदातवनमाश्रितमाश्रिताय । गौरीकटाक्षनयनार्धनिरीक्षणाय गोक्षीरधारधवलाय नम: शिवाय ॥

21. आदित्य सोम वरुणानिलसेविताय यज्ञाग्निहोत्रवरधूमनिकेतनाय । ऋक्सामवेदमुनिभि: स्तुतिसंयुताय गोपाय गोपनमिताय नम: शिवाय ॥